Día Mundial da Saúde

O 7 de abril celébrase o Día Mundial da Saúde para lembrar o aniversario da fundación da Organización Mundial da Saúde (OMS) en 1948. Despois de ter pasado estes anos por un longo período de pandemia e inmersos como estamos en varios conflitos bélicos no planeta , pode parecer que hoxe temos que falar de medicina, descubrimentos científicos e outros logros importantes da humanidade. Sendo moi importantes este temas, hoxe queremos facer mención dun tema de saúde que nos afecta a toda a comunidade educativa e que non se pode visibilizar con máscaras, nin facer prevención con vacinas, que é a saúde mental.

Na nosa contorna vemos compañeiros, traballando, estudando, facendo deporte, todos parecen saudables e felices. Pero o certo é que:se nos afecta un problema e nos desequilibra mentalmente , non levamos unha escaiola que faga visible a nosa dor; por iso faise difícil identificar estas doenzas nos outros, incluso podemos chegar á convicción de que somos os únicos que experimentan a angustia, o medo ou o sufrimento interior. Nesta sociedade da comunicación, curiosamente, só se publican fotos ou vídeos divertidos, compoñendo un calidoscopio de risas e poses falsas que nos dan a entender que todos viven unha realidade mellor que a nosa. Non se fala do sufrimento. Se alguén ten algún problema, sentenciamos que o fale cos amigos, cos profesores, coa orientadora, ou cun especialista. En fin, que o comparta con calquera pero que non sexa connosco. Dicimos que non estamos preparados para axudar. Sen minimizar o problema e recomendando que se acuda ós profesionais da saúde, o certo é que todos podemos abrir os ollos e tomar conciencia da dor dos semellantes.

Non se trata de facer grandes xestos pero saudar, acompañar, comentar en positivo, sorrir, felicitar, escoitar, poden ser para un compañeiro ou compañeira, un luz de esperanza que nos alumee o camiño cando no se ve a saída do túnel da desesperación.

Son moitos os aspectos conectados coa saúde mental e unicamente deixamos dúas propostas para iniciar o diálogo nas aulas. Ó noso lado hai compañeiros, amigos e profesores afectados por este motivo invitámosvos a comentar os seguintes vídeos e a realizar as seguintes actividades.

            

  A información está resumida na infografía.

Saúde Mental de BibliotecaSofíaCasanova.

1º Actividade. Iniciamos o diálogo analizando o caso de María.

María  é unha moza de 15 anos que ten unha vida normal: vai ó instituto, fai natación un par de días á semana e as fins de semana sae a pasear cos seus amigos e amigas pola súa cidade. Unha vez cada 15 días, desde fai un par de meses, vai á psicóloga, aínda que non llo dixo a ninguén.

«Os psicólogos son os profesionais ós que acudimos cando necesitamos axuda para coidar da nosa saúde mental.»

Que imaxinas que lle pode pasar a María para acudir á psicóloga?

Cres que é normal que non llo contou a ninguén? Por que?

Coñeces  cal é a diferenza entre a psicoloxía e a psiquiatría? Explícao coas túas propias palabras.

Por que cres que é importante coidar a saúde mental? 

Poderías definir “saúde mental” coas túas propias palabras?

Que factores dos que ves na táboa cres que inflúen na nosa saúde mental?

2º- Actividade, propoñémosvos que analicemos películas e libros para comprender a saúde mental.

AQUÍ  deixamos un listado con algunha suxestión.

SAÚDE MENTAL LIBROS E PELÍCULAS de BibliotecaSofíaCasanova.

1. Escollemos  unha das películas, series ou libros. Lemos ou vemos un anaco ou un capítulo da serie ou do libro.

2. Recollemos información para completar a táboa e facemos diálogo en grupos sobre os aspectos de saúde mental que nos chamaron a atención.

Na biblioteca de Familia podedes atopar libros que tratan diversos temas de saúde mental. Pero na sala de lectura tamén temos historias nas que os seús protagonistas teñen que lidiar con problemas de Anorexia, adiccións, acoso ou situacións do ámbito familiar que trastornan o seu equilibrio mental. Aquí deixamos algún pero hai moitos máis que podes ler.

                    

Día da Poesía

Estas semanas anteriores estivemos adicando tempo nas titorías  a traballar coa poesía no blog de titorías puxemos unha entrada con varias actividades ó que o alumnado se podía sumar. 

Deixamos unha información sinxela sobre como escribir poesía e outro para recoñecer as figuras literarias. Tentando facer unha actividade que conectase a celebración deste Día da Poesía co nosos obxectivo para este  curso de promocionar a oralidade, propuxémoslles facer o recoñecemento destas figuras por medio do análise das letras de cancións coñecidas ou populares. Nós deixamos unhas poucas pero invitamos a cada profesor a facer a súa aportación en outras linguas do currículo.

Nas aulas colgáronse uns carteis como o que vemos na imaxe para poder facer unha clasificación dos exemplos de esas figuras que foron quen de recoñecer en poemas ou cancións.

Sorprendeunos a participación e comprobamos que son quen de recoñecer estas figuras en un variado abano de composicións.

Nestes días onde as noticias sobre a guerra en Ucraína teñen un gran impacto, propuxémonos recordarlles que a poesía sempre foi unha vía privilexiada para denunciar e rexeitar a deshumanización dos conflito bélicos. Deixámoslles algúns poemas e cancións sobre a Guerra e  coas achegas que o alumando dos diferentes grupos un grupo de 1º da ESO foi o encargado de  construír un mural na biblioteca.

Por outra banda, deixamos na entrada unha exposición con libros de poetas en diferentes linguas que serviunos para facer unha pequena lectura de algún poema con alumnado dos que adoitan vir pola biblioteca.

Comprobamos así  como a poesía sigue despertando a curiosidade dos rapaces de todas as idades. O profesorado tamén nos fixo suxestións sobre a compra de algún exemplar que cada un considera importante que poñamos a disposición do alumnado.  E serviu tamén para facer publicidade de algún  certame como o  de Poesía Salvaxe que se celebra na nosa cidade, e que os seus promotores Guillermo Ferrández e Karlotti,  xa nos tiñan presentado en anos anteriores.

Aquí deixamos  máis imaxes.

DÍA MUNDIAL DA POESÍA, 21 DE MARZO

 Foi  en outubro-novembro  do 1999 cando a  UNESCO durante a súa 30ª reunión en París, decidiu proclamar o 21 de marzo como Día Mundial da Poesía, co obxectivo de apoiar a diversidade lingüística e dar a oportunidade a todas as  linguas de ser un vehículo de comunicación artística nas súas comunidades. Por este motivo queremos chamar a atención sobre este xénero literario por medio  do que  todos somos quen de expresar pensamentos, sentimentos e emocións. Desde moi cedo aprendemos versos, pequenos poemas ou cancións transmitidos  de xeito oral, antes incluso de saber escribir. A poesía cose, imaxes, cores, sons e sensacións ás nosas lembranzas e aprendizaxes ó longo da nosa vida.

Estamos seguros que non podemos prescindir dela como tampouco da música á que tantas veces vai unida. Para este Día da Poesía queremos deixavos  dous vídeos que nos achegan de xeito didáctico a unha explicación sinxela sobre que é un poema  e que son as figuras literarias.

 Para concretar as actividades na aula invitámosvos a que reflexionedes sobre dúas cuestións:

 1.- As figuras literarias, buscando cancións ou poemas onde recoñezas ou descubras algunha delas.

Logo facedes unha clasificación de anacos de cancións ou poemas nos que atopástes esas figuras e pegádelas nun póster na aula. A cada cadro podedes poñerlle unha pegatina co nome da figura literaria. Nos posits  que vos proporcionará o titor/titora copiades algunhas frases dos poemas ou cancións nos que teñades subliñado a figura literaria atopada. Con todas as achegas facedes un mural para a vosa clase.

2.- Poesía contra a guerra. Moitas veces os poetas cantaron, berraron e choraron a destrutiva realidade da guerra, polo que  vos propoñemos recompilar aqueles poemas ou cancións que vos impresionaron falando deste tema. Neste caso gustaríanos que poñades por escrito un anaco de poema ou canción nunha tarxeta, da que deixamos modelo na biblioteca.  Coas  vosas achegas queremos construír un gran mural  na biblioteca. Se vos animades, podemos recitalas e facer tamén un programa de radio.

 Se picas na imaxe atoparás poemas sobre a guerra. 

 E aquí poemas pola Paz, en Galego

Na bibioteca estará o material dispoñible para os titores/as.

8 DE MARZO NA SEMANA DA PRENSA

 

En 1977 a Asemblea Xeral da (ONU) proclamou o 8 de marzo como Día Internacional polos Dereitos da Muller, para conmemora a loita da muller pola súa participación, en pé de igualdade co home, na sociedade e no seu desenvolvemento íntegro como persoa.

O tema do Día Internacional da Muller para este  8 de marzo do 2022, “Igualdade de xénero hoxe para un mañá sostible”, recoñece a contribución das mulleres e as nenas de todo o mundo, que están a liderar os esforzos de resposta, mitigación e adaptación ao cambio climático para construír un futuro máis sostible para todas as persoas.

Por este motivo e facéndonos eco de que no calendario escolar de Galicia estableceuse do 7 ó 11 de marzo a semana da prensa, coa finalidade de traballar cos xornais nas aulas, facemos unha proposta de actividades que nos permita achegarnos a coñecer  e valorar a prensa escrita,  os xornais ó tempo que profundizamos e investigamos no  movemento do 8 de marzo, na súa historia e nos obxectivos para este ano de dar visibilidade a mulleres que loitan pola igualdade e a sostibilidade.

Para informarnos:

1º. Vemos o vídeo sobre a estrutura dun xornal.

2º.- Observamos de que partes se compón unha noticia.

Para traballar na aula:

1.- Buscamos noticias nos xornais, tamén nos dixitais, que falen sobre mulleres que loitan pola igualdade ou que fan algún tipo de traballo ou proposta relacionada coa sostibilidade.

1.- Clasificamos e votamos na clase as 5 noticias que vos resultaron máis relevantes.

Redactando un pequeno resumo que pegaremos nun mural de aula, acompañado dunha imaxe da muller protagonista.

Lembra ó facelo que terás que tentar dar respostas ás cuestións que che deixamos no debuxo que acompaña ó cartel da aula,  e que tanto  as novas coma  as imaxes deberán ir acompañadas do nome dos seus creadores ou do medio onde as recollemos, tal como indica a  Guía ALFIN5 da nosa bilioteca, para o tratamento da información.

 Os materiais estarán na biblioteca a disposición de todos os titores.

Para axudar na búsqueda de noticias deixamos  algún exemplo de noticias sobre  mullers que foron recollidas na prensa local e que temos reflectidas nos nosos blogs.

JIMENA FERNÁNDEZDE LA VEGA premio Real Academia de Ciencias de Galicia, octubre 2021 https://www.lavozdegalicia.es/noticia/santiago/santiago/2021/10/08/homenajean-genetista-jimena-fernandez-vega-cientifica-galega/00031633707925224648854.htm

ÁNGELES ALVARIÑO.

¿Quién es María de los Ángeles Alvariño González, la gallega a la que Google dedica hoy su doodle?https://www.lavozdegalicia.es/noticia/sociedad/2021/10/03/maria-angeles-alvarino-gonzalez-mujer-google-dedica-hoy-doodle/00031633256564619838281.htm

SOFÍA CASANOVA. 

Sofía Casanova, canario de salón y de guerra.

https://www.lavozdegalicia.es/noticia/opinion/2022/02/27/span-langglsofia-casanova-canario-salon-guerra-span/0003_202202E27P56991.htm

EMILIA PARDO BAZÁN

Un congreso internacional para probar la modernidad y vigencia de Pardo Bazán .

https://www.abc.es/espana/galicia/abci-congreso-internacional-para-probar-modernidad-y-vigencia-pardo-bazan-202109201010_noticia.html

ÁNGELA RUIZ ROBLES

Una placa en Ferrol para recordar a doña Angelita, la precursora del libro electrónico.

https://www.lavozdegalicia.es/noticia/ferrol/2022/02/13/placa-recuerdo-dona-angelita-precursora-libro-electronico/0003_202202F13C3996.htm

PILAR BERRIO

Pilar Berrio, escritora: «Jorge Juan fue un marino que además era ingeniero y un gran viajero que hizo de espía»

https://www.lavozdegalicia.es/noticia/ferrol/ferrol/2022/02/10/jorge-juan-marino-ademas-era-ingeniero-gran-viajero-hizo-espia/0003_202202F10C4994.htm

 

 

CHARLA DO STEMBACH NA BIBLIOTECA

O día 11 de febreriro a nosa biblioteca estivo moi animada coa presencia do alumnado do Stembach e as súas profesoras responsables, Cristina López e Cecilia Garcia que foron os protagonistas de varias actividades coas que se celebrou o Día da Muller e a Nena na Ciencia. Iniciaron a xornada explicándolles ós grupos da ESO, que pasaron pola biblioteca en varios turnos, as aportacións dun nutrido grupo de mulleres á ciencia, algunhas estaban presentes na exposición de carteis que tiñamos na biblioteca. Como podedes ver na imaxe. 

Posteriormente explicáronlles en que consiste o Stembach, cales eran os seus obxectivos, o método de traballo e os proxectos que estan a desenvolver neste curso e que desenvolveron nos cursos pasados. Outro grupo fixo un experimento amosando como reacciona o Peróxido de hidróxeno (Auga oxixenada) que ó descompoñerse os seus elementos desagrúpanse  resultando por unha banda o líquido e polo outro gas, osíxeno que forma unha burbullas que saen do recipiente e explotan. Esta reacción foi acelerada cun aditivo e un colorante para facilitar o seu visionado, e para evitar que as burbullas desapareceran engadiron xabón de lavar os pratos. O resultado foi espectacular e inmediatamente xerouse algo parecido á pasta de dentes en cantidade suficiente como para lavar os dentes dun elefante. O alumnado asistiu á demostración con entusiasmo desbordado como podedes comprobar nos vídeos que vos deixamos aquí. A xornada foi moi instrutiva e entretida. Todos admiramos e disfrutamos por igual da xenialidade a da capacidade comunicativa do alumando do Bacharelato Stem, ó que lle aplaudimos e agradecemos esta marabillosa experiencia.

Dixamos a continuación un vídeo resumo da xornada.

Tamén veredes a exposición sobre as mulleres científicas.

O Primeiro grupo de poñentes. 

                  O Segundo grupo. 

                  A demostración co prototipo. 

Día Internacional da Muller e a Nena na Ciencia

Mañá 11 de febreiro, com motivo da celebración do Día Internacional da Muller e a Nena na Ciencia.

Cristina López e Cecilia García, profesoras responsables no noso centro do STEMbach, xunto co Departamento de actividades extraescolares, ten programadas unhas charlas na biblioteca do centro, a cargo do alumnado de esta modalidade de bacharelato. Para o alumnado de 1º da ESO. Os rapaces e rapazas de 2º de Bach, contarán ós nenos e nenas os proxectos de investigación nos que están a traballar, facendo unhas presentacións sobre o producto que están a desenvolver neste curso, así como as fases das que consta un proxecto de investigación, tansmitíndolles deste xeito en que consiste o modelo científico de traballo.

As charlas desenvolveránse na biblioteca do centro neste horario. Os profesores das áreas que teñan clase nese horario con eses cursos acudirán acompañando ó  alumnado.

Febreiro	11 venres	Conferencias Stembach na Biblioteca	1º D / C	10:30 a 11:20	Grupo Steam	Cristina
Febreiro	11 venres	Conferencias Stembach na Biblioteca	1º A / B	12:30 a 13:20	Grupo Steam	Cristina

Deixamos información sobre a celebración desta efeméride.

       

Desde aquí queremos invitarvos a facer publicidade desta xornada e das actividades que resulten do voso interese nas redes sociais cos cancelos que aparecen no seguinte vídeo.

     

Tamén queremos facer mención de moita información recopilada nesta dirección do 11 de febreiro para dar publicidade ás numerosas mulleres cintíficas que lograron destacar ó longo da historia pero que debido a que son escasas as referencias a elas nos libros de texto o alumnado vese privado de referentes femininos na actividade científica. Votádelle un ollo a esta información sobre mulleres que teñen a súa labor recoñecida cun Premio Nobel.

     

Día da Radio e Día de Rosalía

 

Para celebrar o 23 de febreiro, data do aniversario de Rosalía de Castro a Asociación de Escritoras e Escritores en Lingua Galega (AELG) fai diferentes suxestións e neste curso están relacionadas cos pensamentos, que son as flores favoritas da autora co lema #SementadePensamentos.
Desde os Equipos de Dinamización, Orientación, Actividades Extraescolares e Biblioteca, queremos facer efectiva estas accións nas titorías adaptadando as porpostas por esta entidade.

1.- Actividades nas titorías de 1º e 2º da ESO

O alumnado terá que copiar algún verso ou algún dos poemas de Rosalía dentro dos pétalos das flores coma a da imaxe, que os titores poden recoller na biblioteca. E unha vez rematados e decorados podedes deixalos na mesa da entrada do centro. Os poemas cos que traballaresmos son os que vos deixamos neste enlace.

1- D’aqueles que cantan as pombas y as frores
Todos din que teñen alma de muller
2- E ben, ¿para que escribo
3- O fondo sin fondo d’o meu pensamento
4- ¿Que pasa ó redor de min?
5- Nada pode conter a marcha dos meus pensamentos.

Se picades nos pétalos da imaxe tamén veredes os poemas.

2.- Programa de Radio.

Aproveitando que estamos a estrear a radio escolar, contamos cunha proposta aberta a toda a comunidade educativa, para facer programas de radio, que poden consisitir nunha pequena semblanza biográfica da autora, lecturas ou recitado de poemas, ou cantar algún dos poemas da autora que foron musicalizados por distintos intérpretes ou calquer outra suxestión en torno a obra desta autora. Se estades interesados nesta modalidade, teredes que presentar na biblioteca unhas liñas que expliquen o contido do programa, os nomes dos participantes, que por razóns de espazo non poden ser máis de 6, e o día e hora en que queredes gravar para poder organizar turnos.

3- Plantación de pensamentos.

Os clubs de lectura e os outros culbs do do centro que desexen participar están invitados a facer unha plantación de pensamentos en xardineiras e un recitado ou lectura de versos da autora no os recreos dos días 22 ó 23 de febreiro.

Desde a (AELG) dinos que é importante que o que compoñades teña relación co feito de pensar xa que é preciso, neste momento que estamos a vivir, que dediquemos tempo á reflexionar, non só nós, tamén a provocar ese pensamento nas persoas que nos rodean. Pedímosvos que compartades as vosas achegas nos blogs ou nas redes sociais co cancelo #SementadePensamentos.

Deixamos aquí o cartel da xornada e se picades na imaxe podedes leer o manifesto de Beatriz Maceda Abeleira que foi a escritora escollida para esta edición.

Cartel do Día de Rosalía da (AELG)

Actividades Día da PAZ e da Ilustración 2022

O Día da Ilustración, instaurouse no 2014, o 30 de xaneiro, coincidindo co día do nacemento de Alfonso R. Castelao. Nesta data tradicionalmente celebramos o Día Escolar da Paz e a non Violencia. Con ese motivo, e dado que este ano a nosa bilioteca está a incidir na conservación do patrimonio oral, queremos unir estos tres obxectivos nunha actividade que consistirá na ilustración de poemas e cancións que falen da no violencia e a paz.

Temos convocado un concurso para o que vos deixamos as bases a continuación e que está nos carteis que vedes polos corredores do centro. Animádevos a participar ilustrando de xeito creativo un anaco de texto ou unha canción coñecida ou unha composición orixinal, con caligramas, haikus, collage, cómic, ou un debuxo.

Pica na imaxe

As composicións entréganse na biblioteca na que tamén podedes recoller material e consultar as bases. A data límite das achegas é o día 4 de febreiro, e o 25 farase entrega dos premios na entrada do centro.

Se picas en cada pomba atoparás poemas ou cancións para inspirarte.

  

ACTIVIDADES TITORÍAS CULTURA DA PAZ.

Iniciamos estas semanas previas á celebración do Día da Paz, reflexionando sobre a necesidade de abordar unha educación para a paz que favoreza a convivencia, o diálogo e a resolución dos conflitos. Nesta liña queremos iniciar a nosa reflexión deste tempo tratando O ACOSO ESCOLAR. Con esta actividade pretendemos:

- Informar ao  alumnado sobre o fenómeno do acoso escolar e as súas consecuencias.

- Ofrecer pautas de actuación ante esta situación.

- Espertar e fomentar a capacidade empática no alumnado para que sexa quen de poñerse no lugar daqueles que están a sofrir  acoso.

- Promover a axuda mutua.

PASOS DA SESIÓN

- A) Delimitación e definición do acoso.
Exposición do profesor sobre o concepto de acoso e os seus tipos por medio da proxección dun vídeo, unha infografía e unha presentación que deixamos aquí.

 -VÍDEO.

-PRESENTACIÓN.                         - INFOGRAFÍA. 

-B) Comprobación do grao de coñecemento e reflexión en grupo sobre o tema.

Despois do vídeo ábrese un debate e posta en común coa clase para:

1. Definir os conceptos e ver que entendeu o alumnado de cada un deles.

2. Ver que tipo de acoso perciben nas aulas con máis frecuencia: físico, verbal ou psicolóxico.

3. Debate sobre exemplos e posibilidades de actuación.

-C) Actividade conxunta.

CREACIÓN DE CARTEL OU MURAL de aula que recolle as conclusións do alumnado. 

Na aula pegaremos unha táboa de gran tamaño que iremos enchendo coas súas achegas que farán en pequenos notas con pegamento ou posits de diferentes cores, que lles repartirá o profesor, nas que terán que facer as súas reflexións segundo a cor da nota entregada.

-Definición persoal de acoso.

-Tipos de acoso que observa na súa contorna.

-Exemplos de actitudes que no seu xuízo poden considerarse acoso.

-Axentes ou protagonistas implicados.

Se entre todas as mensaxes desexan destacar algunha, escríbese en grande dentro do mural ou pódese rodear, subliñar, colocar cómets de cores. De xeito que esta frase sexa o lema do noso posicionamento de aula diante do acoso escolar. Para animar ó alumnado neste enlace aparecen frases coas que enfontar o acoso.

                                        FRASES

A táboa en gran formato xunta coas notas de cores estará a disposición dos titores,  na biblioteca.    

CULTURA DA PAZ

 En 1997, a Asemblea Xeral das Nacións Unidas proclamou ó 2000, o Ano Internacional da Cultura da Paz. Con este motivo, un grupo de premios Nobel  asinan O Manifesto 2000, para unha cultura da paz e da non violencia. Brevemente resumido en compromisos  que todos podemos  asumir a nivel individual e de  grupo.

-Respectar a vida e a dignidade de cada persoa, sen discriminación nin prexuízos.

-Practicar a non violencia activa, rexeitando a violencia en todas as súas formas: física, sexual, sicolóxica, económica e social, en particular cara aos máis débiles e vulnerables, como os nenos e os adolescentes.

-Compartir o meu tempo e os meus recursos materiais, cultivando a xenerosidade a fin de terminar coa exclusión, a inxustiza e a opresión política e económica.

-Defender a liberdade de expresión e a diversidade cultural, privilexiando sempre a escoita e o diálogo, sen ceder ao fanatismo, nin ó rexeitamento do próximo.

-Promover un consumo responsable e un modo de desenvolvemento que teña en conta a importancia de todas as formas de vida e o equilibrio dos recursos naturais do planeta.

-Contribuír ao desenvolvemento da comunidade, propiciando a plena participación das mulleres e o respecto dos principios democráticos, a  fin de crear xuntos novas formas de solidariedade.

Máis de 20 anos despois seguimos preguntándonos: Que facer para crear unha Cultura de Paz?  As respostas sempre apuntan á educación que debe promover a formación en valores e actitudes que favorezan a Cultura de Paz, o diálogo e a resolución pacífica de conflitos.

 

A escola esfórzase diariamente  por  enunciar e fomentar  constantemente estes valores pero... Somos capaces de reflexionar sobre a resolución pacífica dos conflitos?

Nestas semanas previas á celebración do Día da Paz, tentaremos abordar o acoso escolar como a fonte de conflito máis habitual na nosa contorna,  incidindo na súa identificación e na solución consensuada e pacífica do conflito, como parte da nosa educación para a convivencia e a paz.